شهر الحزن يا عاشور لهلال محرم الحرام من قصائد محرم الجديده

[رحيم الحسناوي]

هليت يا شهرالالم والاَهات..بايامك انعاد الهظم والونات
ناحت على اليمّه دهور...شهر الحزن يا عاشور
بايامك انعاد الهظم والونات

ـــــــــــــــــ
هلّيت وهلالك يعيد بنوحه...وينحب على اقمار السمه المذبوحه
نزف الدموم البالغرب مسفوحه...كَوطر على صواب الطفل وجروحه
جم اَه زينب يا شهر تتحمل..بيك وحسافه اهل الرحم تتكتّل
بيك الظلم غطّه النور...شهر الحزن يا عاشور
بايامك انعاد الهظم والونات


جور ومرار وضيم كل ايامك...ماترحم بكَلب الموالي سهامك
سوده وتهد حيل الدليل اعلامك...يامن صفت كلّ البشر خدامك
رديت وبحزنك يشت فكر البال...يوم النذكرك نذكر كَيود اطفال
وعلى الارض تدمي نحور...شهر الحزن يا عاشور


من يا حزن ياهالشهر ابدي وياك...كلك الم ياذي المدامع ملكاك
المن تريد ليا مفاجع مسراك...وبيا كَلب يا هالشهر من انعاك
تدمي لمصاب حسين نار احزاني..وفوك الجبين اصبح الم عنواني
ويه الهضم روحي تدور..شهر الحزن يا عاشور
بايامك انعاد الهضم والونات


زينب غريبه بلا اهل بمحرم...يوم الحزن وجّر عليهه مترّم
روس ومناح روالحرم تتغرّم...يوم السبوهه وكل رحم يتحرم
وحرموهه حتى الدمعه بجفون العين...جلدوهه يوم النادبت اّه يحسين
صارت تحت ضلم وجور...شهر الحزن يا عاشور


وسفه الضعينه الينفكد راعيهه...تكصد على الشام ويشح ناعيهه
زينب منو البعدك علي يراعيهه...يوم الكثر اهل الضلم ساعيهه
منهو البعد عينك يحيد الينغر...يوم الجفيل على الشريعه توذّر
والناصر الهم محضور...شهر الحزن يا عاشور
بايامك انعاد الهضم والونات


جم اَه جم ونّه اعتلت هذه اليوم...ما يخلص الهم بينه حاضر للدوم
ضلع الزجيه ينادي جبد المضلوم...وبكربلا انحدرت على الرمضه دموم
وحيدرعلي بمحرابه طبره تناله...وحسين ابو اليمه الشمر جتاله
جارت عليه اهل الزور...شهر الحزن يا عاشور
بايامك انعاد الهضم والونات



شهر الحزن يا هالشهر يا جم اوف...جم كَطره شربت من دمه اليمّه طفوف
جم كافر الصار بمخيمهه يحوف...يوم العقيله اندارت عليهه صفوف
بيهه الرمح يوم الرمح حز عباس..بيهه العمود وضربته وطبر الراس
دمع المصايب منثور...شهر الحزن يا عاشور
بايامك انعاد الهضم والونات
رحيم الحسيني الحسناوي

[غيوم]

مشكور وموفق...

[وهج الإيمان]

سبحان الله وبحمده